قصيدة بحر الحسين

قصيدة بحر الحسين

جف بحر الشعر بس بحر الحسين
يلن محفــور بـﮕلوب المحبيـــن
بحــر بالــدم سـﮕيته وبالدم يعيش
وبعهده أنسـﮕـه بأنصـاره سبعين
ولادمنـــه نشــف وأنصارك اليـوم
بس كّتاب شعـــرك بالمـلاييـــــــن
يالذكـــرك يخفف نزعت المـــــوت
يا بـرزخ حفظ للشيعـــة والديــــن
لأجلكــــم نــزل الرحمـــن قــــرآن
وخلق نار وجنــان وحط ميازيــــن
ونصب نور ونبوة وديــن وأسلام
وثبت بأسم الولاية ودم الحسيــــن
عشنه ويه الشعر من جود عباس
الشعر ماي وحظه بـﮕطعة الـﭽفين
متوهم الـﮕـال حسيــــن عطشــان
واليملك الكوثــر يعطــــش منيــــن
ناس أعله الخسارة تعلمت هــواي
ولا عبره خذت مــــن الشمر زيـــن
يالترجوا الشفاعــة بلاية معــروف
تغرﮒ بالذنــوب ولا تســـد ديــــــن



دعائكم هو غايتنا